#كلنا غزة

طب تعو احكيلكم كيف شعور واحد من غزة يطلع من بيتو عشان يجيب اغراض لبيتو او يعمل شي تاني برجع ما بلاقي بيتو و يطلع مرته وولادة من تحت الارض و بقعد يحكي لولادو اسف لاني ما قدرت احميكم

واحد صحي رجليه مقطعين و قاعد بالمستشفي و بس يسال عن امو وابوه بقولو ماتو
شعور واحد ما صدق و هو يخلص التوجيهي(الثانوية العامة) و بدو يسمع خبر نجاحو تتطلع النتائج وهو بكون ميت ما فرح او ام عم تستني تسمع انو ابنها نجح و بس تسمع انو نجح ما بتفرح لانو مات او انقتل او واحد بستني النتيجة عشان يفرح امو و ابوه بس ما فرحهم لانهم ماتو و تركو لحالو يفرح
شعور واحد بصحي بردو بالمستشفى بسال عن عيلتو بقولو انت الوحيد الي ضليتك عايش بين عيلتك و يطلع عمامك ميتين و خوالك كل قرايبك حتى اخوتك ميتين !!

هتكون زعلان كتير صح ؟!
و اكيد هتحكي يا ريتني متت

هاد كلو اهل غزة عم بحسو فيه !!

فيكم تحسو فيهم ولو شوي صغيرة ؟
لانو ازا انتو ما حسيتو فيهم مين بدو يحس ؟
لانو ما ضللهم حد غير الله
#كلنا_غزة